23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Ղազախստանում ատոմակայանի կառուցման հարցով հանրաքվե տեղի կունենա
Քաղաքականություն
02.09.2024 | 15:11
Ղազախստանի նախագահ Կասիմ-Ժոմարտ Տոկաևը հայտարարել է, որ ատոմակայանի կառուցման վերաբերյալ հանրաքվեն կանցկացվի հոկտեմբերի 6-ին։ Տոկաևը հանրաքվեի օրը հայտարարել է խորհրդարանի ստորին և վերին պալատների համատեղ նիստում։
«Հաշվի առնելով համաշխարհային էներգիայի աճող պակասը, մենք էներգիայի հուսալի և էկոլոգիապես մաքուր աղբյուրների խիստ կարիք ունենք: Ուստի, իմ կարծիքով, անհրաժեշտ է մեծ ուշադրություն դարձնել ատոմային էներգետիկայի զարգացմանը։ Գեներսացիայի այս տեսակը կարող է մեծապես բավարարել մեր տնտեսության արագ աճող կարիքները»,- Տոկաևի խոսքերն է մեջբերում Tengrinews-ը։
Ղազախստանի նախագահը հայտարարել է, որ «երկրի կյանքի համար կարևոր յուրաքանչյուր քայլ պետք է արվի ժողովրդի աջակցությամբ»։ Նա տեղեկացրել է, որ այսօր հրամանագիր է ստորագրելու հանրաքվեի անցկացման օրվա վերաբերյալ։
Ծրագրվում է ատոմակայան կառուցել Ալմաթիի շրջանի Ուլկեն գյուղում՝ Բալխաշ լճի ափին։ Իշխանությունները խոստանում են, որ կայանի կառուցմամբ երկիրը կստանա ոչ միայն մաքուր, այլև էժան էլեկտրաէներգիա, ինչը կօգնի պահպանել ցածր սակագները։
