08.10.2026 | 17:01
Վարդաձորում 2-րդ դասարանցու նկատմամբ բռնության դեպքով Տեսչական մարմնի կողմից նախաձեռնվել է վարչական վարույթ
Շահրամանյանը խոսել է Փաշինյանի հետ հանդիպման և Արցախ վերադարձի հնարավորության հարցերի շուրջ
Քաղաքականություն
02.09.2024 | 11:01
«Արցախ վերադարձը հնարավոր կլինի միջազգային երաշխիքներով, ու միայն այդ դեպքում արցախցիները պատրաստ են բանակցել այդ հարցը շուտափույթ լուծելու համար»,- ԼՂ անկախության օրվա առթիվ «Եռաբլուր» զինվորական պանթեոն այցի ժամանակ լրագրողների հետ զրույցում ասել է Արցախի վերջին նախագահ Սամվել Շահրամանյանը։
«Մեր վերադարձը հնարավոր կլինի միջազգային երաշխիքներով՝ արժանապատիվ, արդարացի և, ամենակարևորը, մենք պիտի ապահով զգանք մեզ մեր հայրենիքում։ Եթե այդ չափանիշներն ապահովվեն, ապա պատրաստ ենք նաև բանակցել այդ հարցերը շուտափույթ լուծելու համար։ Որևէ առաջարկ չենք ներկայացրել ՀՀ կառավարությանը, վերադարձը մեր իրավունքն է, ու դա չի կարող հակասել ՀՀ պետական շահերին»,– նշեց Շահրամանյանը։
Հարցին՝ արդյոք հանդիպել է Հայաստանի վարչապետ Նիկոլ Փաշնինյանի հետ, Արցախի վերջին նախագահը պատասխանեց․
«Ո՛չ, չեմ հանդիպել, կարծում եմ՝ բնական կլիներ, որ մեր հանդիպումը տեղի ունենար, սակայն մինչ այսօր մենք չենք հանդիպել և որևէ հարց չենք քննարկել»,- նշեց Շահրամանյանը։
