11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինան կոչ է արել Մոնղոլիային ձերբակալել Պուտինին և հանձնել Հաագայի դատարան
Քաղաքականություն
30.08.2024 | 21:17
Ուկրաինայի ԱԳ նախարարությունը Մոնղոլիայի իշխանություններին կոչ է արել ձերբակալել Ռուսաստանի նախագահ Վլադիմիր Պուտինին առաջիկա այցի ընթացքում և հանձնել Հաագայի Միջազգային քրեական դատարան, փոխանցում է BBC-ի ռուսական ծառայությունը։
«Ուկրաինական կողմը հույս ունի, որ Մոնղոլիայի կառավարությունը հասկանում է Վլադիմիր Պուտինի ռազմական հանցագործ լինելու փաստը։ Միջազգային քրեական դատարանի կողմից, որի իրավասությունը ճանաչված է Մոնղոլիայի կողմից, նրա ձերբակալման օրդեր է տրվել ուկրաինացի երեխաներին ապօրինի կերպով Ռուսաստանի Դաշնություն բռնի տեղափոխելու կասկածանքով։ Մենք Մոնղոլիայի իշխանություններին կոչ ենք անում կատարել կալանքի միջազգային պարտադիր հրամանը և Պուտինին տեղափոխել Հաագայի Միջազգային քրեական դատարան»,- ասվում է Ուկրաինայի ԱԳՆ պաշտոնական հաղորդագրության մեջ։
Ավելի վաղ Կրեմլի խոսնակ Դմիտրի Պեսկովը հայտարարել էր, որ Ռուսաստանի իշխանություններին չի մտահոգում Վլադիմիր Պուտինի ձերբակալության հավանականությունը Մոնղոլիայում, ուր Պուտինը պետք է այցելի սեպտեմբերի 3-ին։
