Փաշինյանը չի լինի ՀՀ վարչապետ, եթե Հռչակագրին հղումը հանեն. այն Երրորդ հանրապետության հիմքն է․ Հրաչյա Արզումանյան․ ՏԵՍԱՆՅՈՒԹ

Ռուսաստանը փորձում է իր վերահսկողության տակ վերցնել տարածաշրջանում խաղաղության հասնելու ճանապարհներն ու մոտեցումները։ Ռուսաստանի, Ադրբեջանի և Թուրքիայի համար խաղաղություն նշանակում է պատերազմ, նրանք ռազմական դաշնակիցներ են, չեն ուզում խաղաղության պայմանագիր: Factor TV-ի հետ զրույցում նման պնդում արեց Ազգային անվտանգության և ռազմական հարցերով փորձագետ, քաղաքագիտության դոկտոր Հրաչյա Արզումանյանը՝ անդրադառնալով օգոստոսի 18-ին ՌԴ նախագահ Վլադիմիր Պուտինի Բաքու կատարած այցին։

«Ադրբեջանն ուզում էր, որ լուծումները լինեն 3+3 ձևաչափով, որտեղ հայկական կողմը պարտված է։ Հայաստանը չպիտի համաձայնի բանակցել ռուսական հարթակում և նրանց միջնորդությամբ, այլ արևմտյան հարթակներում»,- կարծում է Արզումանյանը։

Անդրադառնալով Բաքվից հնչող պահանջին, որ ՀՀ-ն պիտի Մայր օրենքից հանի Անխակության հռչակագրին հղումը, փորձագետն ասաց, որ դա հնարավոր չէ։ Նրա կարծիքով՝ Հայաստանը չի փոխի Սահմանադրությունը, թեև այսօր արդարադատության նախարար Գրիգոր Մինասյանն է հայտարարել, որ Սահմանադրության հանրաքվեն սպասվում է 2027 թվականին։

«Անկախություն հռչակագիրն այն հիմքն ու հենարանն է, որի վրա կառուցվում են Սահմանադրությունն ու պետությունը։ Անկախության հռչակագրի հիման վրա ստեղծվել է երրորդ Հանրապետությունը, եթե դու հանում ես այդ հենարանը,  զրոյացնում ես Նիկոլ Փաշինյանի իրավունքը կոչվել ՀՀ վարչապետ»,- ասաց Հրաչյա Արզումանյանը։

Հարցազրույցն ամբողջությամբ՝ տեսանյութում։

Արփի Հակոբյան