16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Բորելն առաջարկել է պատժամիջոցներ սահմանել իսրայելցի երկու նախարարի նկատմամբ
Քաղաքականություն
29.08.2024 | 13:56
ԵՄ դիվանագիտության ղեկավար Ժոզեպ Բորելն առաջարկել է պատժամիջոցներ սահմանել Իսրայելի ֆինանսների նախարար Բեզալել Սմոտրիչի և Ազգային անվտանգության նախարար Իտամար Բեն Գվիրի դեմ՝ «ատելություն հրահրելու» և «մարդու իրավունքները ոտնահարելու» համար։ Բորելի առաջարկն արվել է ԵՄ 27 երկրների արտգործնախարարների գագաթնաժողովի նախօրեին, գրում է DW-ի ռուսական ծառայությունը։
Սմոտրիչն ու Բեն-Գվիրը կոչ են արել արգելափակել Գազայի հատվածի բնակիչներին մարդասիրական օգնության մատակարարումը, որտեղ Իսրայելը ռազմական գործողություններ է իրականացնում պաղեստինյան ՀԱՄԱՍ խմբավորման դեմ։
Բեն-Գվիրը հույս ունի այս կերպ խրախուսել ՀԱՄԱՍ-ին՝ հանձնվել: Սմոտրիչն իր հերթին հույս է հայտնել, որ զինյալներն այնուհետ կազատեն իսրայելցի պատանդներին։ Իսրայելի ֆինանսների նախարարը Գազայի հատվածի շրջափակումն անվանել է «բարոյական և արդարացված», նույնիսկ եթե դա նշանակում է, որ դրա երկու միլիոն բնակիչները սովից կմահանան։
Պատժամիջոցները, որոնք առաջարկում է Ժոզեպ Բորելը կիրառել Բեն-Գվիրի և Սմոտրիչի նկատմամբ, ենթադրում են նրանց ակտիվների սառեցում Եվրամիությունում և ԵՄ մուտքի արգելք։
Ավելի վաղ հայտնի էր դարձել նաև, որ Սմոտրիչն ու Բեն-Գվիրը կտրականապես դեմ են ՀԱՄԱՍ-ի հետ հնարավոր զինադադարին։ Նման զինադադարի պատրաստակամության ազդանշանը, ըստ CNN-ի, օգոստոսի կեսերին Եգիպտոսի և Կատարի միջնորդների միջոցով Իսրայելին է փոխանցել արմատական խմբավորման նոր ղեկավար Յահյա Սինվարը։ Օգոստոսի 26-ին էլ Reuters-ը հայտնել է, որ Կահիրեում Իսրայելի և ՀԱՄԱՍ-ի միջև բանակցություններն ավարտվել են առանց արդյունքի։
