05.04.2026 | 13:28
Ռազմական ոստիկանության աշխատակիցները շրջայցեր են իրականացրել բանակային դիրքերում
Փարիզում մեկնարկել են Պարալիմպիկ խաղերը
Քաղաքականություն
29.08.2024 | 11:55
Փարիզում մեկնարկել են 2024 թվականի Պարալիմպիկ խաղերը, որոնք կտևեն մինչև սեպտեմբերի 8-ը։ Ընդհանուր առմամբ, 22 մարզաձևերում կշնորհվի 549 մրցանակ։
Ժամանակակից օլիմպիական շարժման պատմության մեջ առաջին անգամ Պարալիմպիկ խաղերի բացման արարողությունը տեղի է ունեցել հենց խաղերի մայրաքաղաքի կենտրոնում։
Արարողությունը բացել են Ֆրանսիայի նախագահ Էմանուել Մակրոնը և Միջազգային պարալիմպիկ կոմիտեի ղեկավար Էնդրյու Փարսոնսը։ 11 օրվա մրցումների համար Փարիզում հավաքվել են 185 պատվիրակությունների 4,4 հազար մարզիկներ, ինչը ռեկորդային է, գրում է Le Figaro-ն։
Ռուս մարզիկները խաղերին մասնակցում են չեզոք կարգավիճակով։ Նրանք կարող են մասնակցել Պարալիմպիկ խաղերի բացման և փակման արարողություններին միայն որպես հանդիսատես։ Սակայն, ինչպես ավելի վաղ հայտնել էր Ռուսաստանի պարալիմպիկ կոմիտեի նախագահ Պավել Ռոժկովը, ռուս մարզիկները չեն մասնակցի բացման արարողությանը։
