Պավել Դուրովը 5 մլն եվրո գրավով ազատ է արձակվել, նրան արգելվել է լքել Ֆրանսիան

Telegram-ի հիմնադիր Պավել Դուրովը դատական ​​հսկողության տակ է վերցվել, և նրան արգելվել է լքել Ֆրանսիայի տարածքը, ասվում է Փարիզի դատախազության հայտարարության մեջ․ փոխանցում է ՌԻԱ Նովոստին։

«Դուրովը  դատական ​​հսկողության տակ է վերցվել, մասնավորապես՝ հինգ միլիոն եվրոյի չափով գրավի դիմաց, շաբաթը երկու անգամ ոստիկանության բաժին ներկայանալու և Ֆրանսիայի տարածքից դուրս գալու արգելքի պահանջով», – ասվում է փաստաթղթում:

Ձեռնարկատերը մեղադրվում է այնպիսի հանցագործությունների և իրավախախտումների մեջ, ինչպիսիք են.

-կազմակերպված խմբի կողմից անօրինական գործարքների համար առցանց հարթակի կառավարմանը մեղսակցություն,
-լիազորված մարմինների պահանջով տվյալներ կամ փաստաթղթեր տրամադրելուց հրաժարվելը,
-հանցագործությունները թաքցնելը որպես կազմակերպված հանցավոր խմբի մաս,
-կրիպտոլոգիական ծառայությունների մատուցում` գաղտնիության գործառույթներ ապահովելու համար` առանց համապատասխան հայտարարագրի և կրիպտոլոգիական գործիքների ներմուծում, որոնք առանց նախնական ծանուցման չեն ապահովում բացառապես նույնականացման կամ ամբողջականության գործառույթներ,
-մեղսակցություն կազմակերպված խմբի կողմից մանկական պոռնոգրաֆիայի լուսանկարների տարածմանը,
-թմրամիջոցների ապօրինի շրջանառություն,
-կազմակերպված խմբի կողմից խարդախություն,
-մեղսակցություն առանց օրինական հիմքի սարքավորումների, գործիքների, ծրագրերի կամ տվյալների փոխանցմանը կամ տրամադրմանը, որոնք նախագծված կամ հարմարեցված են կոտրելու և տվյալների մշակման ավտոմատացված համակարգի գործունեությանը մուտք գործելու համար.
-հանցավոր համայնքի հետ հանցակցություն հանցանք կատարելու համար։

Գերատեսչության հայտարարության համաձայն՝ միայն առաջին իրավախախտման համար Դուրովին սպառնում է մինչև տասը տարվա ազատազրկում և 500 հազար եվրո տուգանք։

Հիշեցնենք, որ Պավել Դուրովը ձերբակալվել էր Փարիզի Լե Բուրժե արվարձանի օդանավակայանից բերման ենթարկվելուց հետո։

Թեմայի առնչությամբ դիտեք FactorTV-ի պատրաստած տեսանյութը։