12.12.2024 | 21:30
Կրեմլի պրոպագանդիստ Դուգինը Էրդողանին դավաճան հռչակեց․ ՌԴ-ն Մերձավոր Արևելքից դուրս է մղվում․ Գուրգեն Սիմոնյան․ ՏԵՍԱՆՅՈՒԹ
Հնդկաստանում AK-203 ինքնաձիգների արտադրությունն ամբողջությամբ կտեղայնացվի մինչև 2025-ի ավարտը
Քաղաքականություն
23.08.2024 | 22:43
Կալաշնիկով AK-203 ինքնաձիգերը տեղական արտադրության բաղադրիչներից ամբողջությամբ կհավաքվեն Հնդկաստանում մինչև 2025 թվականի ավարտը: Այս մասին ՏԱՍՍ-ին տված հարցազրույցում ասել է ռուս-հնդկական Indo-Russian Rifles Private Limited (IRRPL) համատեղ ձեռնարկության գլխավոր և գործադիր տնօրեն, գեներալ-մայոր Սուդհիր Կումար Շարման։
«Հնդկաստանում արտադրությունը կիրականացվի հինգ փուլով՝ կախված փոխանցվող տեխնոլոգիայի տոկոսից։ Ես ակնկալում եմ, որ 100 տոկոս տեղայնացումը կավարտվի մինչև 2025 թվականի դեկտեմբեր»,- ասել է նա:
Շարման պարզաբանել է, որ առաջին ինքնաձիգը, որն ուներ տեղական արտադրության բաղադրիչների միայն 5%-ը, իսկ 95%-ը՝ Ռուսաստանից, հավաքվել է Հնդկաստանում 2023 թվականի հունիսին։ Նա հիշեցրել է, որ ձեռնարկության պայմանագիրը Հնդկաստանի Պաշտպանության նախարարության հետ կնքվել է 2021 թվականի դեկտեմբերին։
«Առաջին առաքումը [հնդկական] զինված ուժերին տեղի է ունեցել 2023 թվականի դեկտեմբերին: Այս պահին մենք արդեն մատակարարել ենք 35 հազար ինքնաձիգ, որոնք օգտագործվում են դաշտում գտնվող զինվորների կողմից»,- հիշեցրել է Շարման:
Հնդկաստանի վարչապետ Նարենդրա Մոդին ավելի վաղ հայտարարել էր 2019 թվականի մարտին երկրում Կալաշնիկով ինքնաձիգներ արտադրելու համար հնդկա-ռուսական համատեղ ձեռնարկության ստեղծման մասին:
