09.09.2026 | 16:01
Վահե Ղալումյանը՝ ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի փոխնախագահ
Ադրբեջանն ու Ուզբեկստանը պայմանավորվել են գրավյալ Ստեփանակերտում գործարան հիմնել
Քաղաքականություն
23.08.2024 | 17:17
Ադրբեջանն ու Ուզբեկստանը նախագիծ են իրականացնելու Արցախի գրավյալ մայրաքաղաք Ստեփանակերտում։ Կողմերը ծրագրում են այստեղ թեթև արդյունաբերական ձեռնարկություն հիմնել։ Այս մասին Տաշքենդում Ուզբեկստանի նախագահ Շավքաթ Միրզիյոևի հետ բանակցություններից հետո հայտարարել է Ադրբեջանի նախագահ Իլհամ Ալիևը։
«Կցանկանայի առանձնացնել միայն մեկ նախագիծ, դա Խանքենդի (Ստեփանակերտ) քաղաքում նոր թեթև արդյունաբերական ձեռնարկության ստեղծումն է։ Սա մեր ժողովուրդների եղբայրության և բարեկամության ևս մեկ խորհրդանիշ է»,- ասել է Ալիեւը։
Նա ընդգծել է, որ Ադրբեջանը միշտ զգացել է ուզբեկ ժողովրդի եղբայրական աջակցությունը։ Ալիևը հիշեցրել է, որ Ուզբեկստանն իր միջոցներով գրավյալ Ֆիզուլիում կառուցել է Միրզա Ուլուգբեկի անվան միջնակարգ դպրոց՝ նախատեսված 960 աշակերտի համար։
Նշենք, որ Ադրբեջանն ու Ուզբեկստանը երկու երկրների միջև դաշնակցային հարաբերությունների մասին պայմանագիր են ստորագրել։
«Այսօր մենք պաշտոնապես դաշնակիցներ ենք դարձել։ Սա պատմական պահ է։ Դաշնակցային հարաբերությունների մասին պայմանագիրը միջազգային ամենաբարձր փաստաթուղթն է, որը կարող են ստորագրել երկու երկրներ։ Այսօր երկու եղբայրական ժողովուրդներ, երկու անկախ, հզոր, ինքնիշխան, արժանի պետություններ դարձել են պաշտոնական դաշնակիցներ։ Սա արտաքին քաղաքական մեծ քայլ է, որը կորոշի մեր հարաբերությունները և, շատ առումներով, տարածաշրջանային քաղաքականությունը հետագա բոլոր տարիների համար»,- հայտարարել է Ալիևը։
