20.07.2026 | 13:21
Գևորգ Պապոյանն այցելել է «ԻՆՏԵՐ ԱԿՎԱ» ձկնաբուծարան․ քննարկվել են դեպի ԵՄ արտահանման հնարավորությունները
Կուրսկի ԱԷԿ-ի մոտ ռազմական գործողությունները լուրջ վտանգ են ներկայացնում միջուկային անվտանգության համար․ ՄԱԳԱՏԷ
Քաղաքականություն
23.08.2024 | 13:08
Կուրսկի ատոմակայանի մոտ մարտերը վտանգ են ներկայացնում միջուկային անվտանգության համար։ Այս մասին ասել է Ատոմային էներգիայի միջազգային գործակալության (ՄԱԳԱՏԷ) տնօրեն Ռաֆայել Գրոսին։
«Ատոմակայանի մոտ ռազմական գործողությունները լուրջ վտանգ են ներկայացնում միջուկային անվտանգության և պաշտպանվածության համար։ Հաջորդ շաբաթ իմ այցը Կուրսկի ատոմակայան մեզ հնարավորություն կտա ժամանակին անկախ գնահատել իրավիճակը»,- ասել է Գրոսսին։
Նրա խոսքով՝ ՌԴ իշխանությունները միջազգային կազմակերպությանը հայտնել են, որ կայանի միջուկային վառելիքի պահեստարանից 100 մետր հեռավորության վրա հայտնաբերվել են անօդաչու թռչող սարքի բեկորներ, որը խոցվել է օգոստոսի 22-ի առավոտյան։
Ավելի վաղ ՌԴ նախագահ Վլադիմիր Պուտինը հայտարարել էր, որ Ուկրաինայի Զինված ուժերը փորձել են հարվածներ հասցնել Կուրսկի ատոմակայանին։
