22.11.2024 | 19:18
Կարեն Սարուխանյանը հրապարակել է օրգանիզմում թմրանյութի առկայությունը ստուգող թեստի արդյունքները
Հնդկաստանի վարչապետ Նարենդրա Մոդին ժամանել է Ուկրաինա
Քաղաքականություն
23.08.2024 | 11:54
Հնդկաստանի վարչապետ Նարենդրա Մոդին օգոստոսի 23-ի առավոտյան ժամանել է Ուկրաինա, գրում է NDTV-ն։
Այցին ընդառաջ Մոդիի մամուլի գրասենյակը հայտարարություն է տարածել։
«Ես անհամբեր սպասում եմ նախագահ [Վլադիմիր] Զելենսկիի հետ նախորդ զրույցների շարունակությանը երկկողմ համագործակցության ամրապնդման և Ուկրաինայում ընթացող հակամարտության խաղաղ կարգավորման վերաբերյալ կարծիքների փոխանակման շուրջ։ Որպես ընկերներ և գործընկերներ՝ մենք տարածաշրջանում խաղաղության և կայունության շուտափույթ վերականգնման հույս ունենք»,- ասվում է Հնդկաստանի վարչապետի հայտարարությունում։
Հուլիսի սկզբին Մոդին այցելել էր Մոսկվա և բանակցություններ վարել ՌԴ նախագահ Վլադիմիր Պուտինի հետ։ Այդ ժամանակ նա, մասնավորապես, հայտարարել է, որ Հնդկաստանը պատրաստ է ցանկացած օգնության Ռուսաստանի Դաշնության և Ուկրաինայի միջև խաղաղության հաստատման համար և նշել, որ իր երկիրը Ռուսաստանի բարեկամն է։
ՌԴ Մոդիի այցը քննադատության արժանացել արևմտյան մի շարք երկրների, այդ թվում՝ Միացյալ Նահանգների կողմից։
