27.05.2026 | 18:49
Հայաստանի Կիոկուշին կարատեի ֆեդերացիայի նախագահը՝ մարտարվեստների կարևորության և մարզիչների ճիշտ ընտրության մասին
Հնդկաստանի վարչապետը պատրաստ է միջնորդ հանդիսանալ ՌԴ-ի և Ուկրաինայի միջև
Քաղաքականություն
22.08.2024 | 19:13
Հնդկաստանի վարչապետ Նարենդրա Մոդին պատրաստ է հանդես գալ որպես միջնորդ Կիևի և Մոսկվայի միջև, որը պատերազմ է սկսել Ուկրաինայի դեմ։
«Մենք երկխոսության և դիվանագիտության կողմնակից ենք՝ հնարավորինս շուտ խաղաղությունն ու կայունությունը վերականգնելու համար։ Հնդկաստանը պատրաստ է դրան նպաստել բարեկամ երկրների հետ միասին»,- ասել է Մոդին Վարշավայում՝ Լեհաստանի վարչապետ Դոնալդ Տուսկի հետ հանդիպումից հետո։
DW-ի ռուսական ծառայության փոխանցմամբ՝ նա նաև հայտարարել է Հնդկաստանի «հաստատակամ համոզմունքը, որ ոչ մի խնդիր չի կարող լուծվել մարտի դաշտում»։ Հնդկաստանի վարչապետը Լեհաստան է ժամանել Ուկրաինա այցի նախօրեին։
«Ես շատ ուրախ եմ, որ վարչապետը հաստատեց իր պատրաստակամությունը՝ անձամբ աշխատել պատերազմի խաղաղ, արդար և արագ ավարտի համար։ Մենք համոզված ենք, որ Հնդկաստանը կարող է շատ կարևոր դեր խաղալ այս հարցում»,- իր հերթին, ասել է Լեհաստանի վարչապետը։
Միևնույն ժամանակ, նա հիշեցրել է Ուկրաինայի՝ սեփական սահմանները պաշտպանելու իրավունքի մասին։
«Պատմությունը մեր ժողովուրդներին սովորեցրել է, թե որքան կարևոր է հարգել կանոնները, հարգել սահմաններն ու տարածքային ամբողջականությունը»,- ասել է նա։
