09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
ՌԴ Վոլգոգրադի մարզում ԱԹՍ-ի հարվածից հետո ռազմական օբյեկտում հրդեհ է բռնկվել
Քաղաքականություն
22.08.2024 | 12:18
Օգոստոսի 21-ի լույս 22-ի գիշերը ՌԴ Վոլգոգրադի շրջանն անօդաչու թռչող սարքերի հարձակման է ենթարկվել։ Մարինովկայի շրջանում «Պաշտպանության նախարարության օբյեկտը ենթարկվել է հարձակման», ասել է նահանգապետ Անդրեյ Բոչարովը։ Նրա խոսքով՝ «անօդաչու թռչող սարքերի մեծ մասը ոչնչացվել է» ՀՕՊ ուժերի կողմից, սակայն դրանցից մեկը բախվել է օբյեկտին՝ հրդեհ առաջացնելով։ Բոչարովը հավելել է, որ զոհեր և վիրավորներ չկան, գրում է The Moscow Times-ը։
Վոլգոգրադի շրջանի բնակիչները հայտնել են, որ թիրախը եղել է Օկտյաբրսկի գյուղի Մարինովկա ռազմական օդանավակայանը, փոխանցում է Astra-ն։ Առաջին պայթյունները լսվել են ժամը 3։30-ի սահմաններում, ականատեսները հաշվել են, ընդհանուր առմամբ, 10 պայթյուն։
Հարվածի և դրան հաջորդած կրակի հետևանքով սկսվել է զինամթերքի պայթյուն, որը տեղակայված է եղել օդանավակայանում։ Բնակիչներից մեկը հայտնել է, որ գյուղացիներին խնդրել են հավաքել փաստաթղթերը, «հնարավոր է տարհանում»։
Բաց տվյալների համաձայն՝ Մարինովկա օդանավակայանում տեղակայված են ՀՕՊ հրամանատարության 2-րդ առանձին հետախուզական ավիացիոն ջոկատի Սու-24ՄՌ առաջնային հետախուզական ինքնաթիռներ։
Հարձակման պատճառով Վոլգոգրադի օդանավակայանում ինքնաթիռների ժամանումն ու մեկնումը սահմանափակվել է: Թռիչքների ուշացումները տատանվում են 3-ից 7 ժամի սահմաններում: Պաշտպանության նախարարությունն իր հերթին հայտնել է, որ տարածաշրջանում 13 անօդաչու թռչող սարք է խոցվել։
