Քաղաքականություն
21.08.2024 | 22:13
Բելառուս ընդդիմադիր գործիչ Սվետլանա Տիխանովսկայան անդրադարձել է Բելառուսի նախագահ Ալեքսանդր Լուկաշենկոյի՝ Հայաստանին ուղղված հայտարարությանը։
«Մենք կտրականապես դատապարտում ենք Լուկաշենկոյի կողմից Հայաստանի և հայ ժողովրդի հասցեին հնչեցրած աղաղակող վիրավորանքները։ Բռնապետը դավաճանեց թե՛ բելառուսներին, թե՛ հայերին՝ գործելով Կրեմլի անունից։
Բելառուսներն աջակցում են Հայաստանի բարեկամ ժողովրդին, և մենք հավատարիմ ենք մեր կապերի ամրապնդմանը»,- X-ի իր միկրոբլոգում գրել է Տիխանովսկայան։
Հիշեցնենք՝ Բելառուսի նախագահն օգոստոսի 19-ին «Ռոսիա» հեռուստաընկերությանը տված հարցազրույցում, քննադատելով ՀՀ իշխանությունների վարած քաղաքականությունը, հայտարարել էր՝ «Ո՞ւմ են պետք հայերը՝ մեզնից բացի»։
