11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Ուկրաինայի Ռադան վավերացրել է Հռոմի ստատուտը
Քաղաքականություն
21.08.2024 | 19:36
Ուկրաինայի Գերագույն Ռադան վավերացրել է Հռոմի ստատուտը։ Օգոստոսի 21-ի նիստում համապատասխան փոփոխությունների ընդունմանը կողմ է քվեարկել 281 պատգամավոր, մեկ պատգամավոր դեմ է եղել, 22-ը՝ ձեռնպահ, 24 պատգամավոր չի մասնակցել քվեարկությանը:
Ուկրաինան Հռոմի ստատուտը ստորագրել էր 2000 թվականին, սակայն չէր վավերացրել։
ՄՔԴ-ն իրավասու է հետապնդել նրանց, ովքեր մեղադրվում են պատերազմի օրենքների և սովորույթների խախտման մեջ (հայտնի է նաև որպես «ռազմական հանցագործություններ», մարդկության դեմ հանցագործությունների, ագրեսիայի և ցեղասպանության հանցագործության մեջ), գրում է BBC-ի ռուսական ծառայությունը:
Չնայած ՄՔԴ-ի դատախազները հետաքննում էին Ուկրաինայում տեղի ունեցող իրադարձությունները ռուսական լայնամասշտաբ ներխուժման առաջին շաբաթներից և մի քանի ռուս պաշտոնյաների, այդ թվում՝ նախագահ Վլադիմիր Պուտինի ձերբակալության օրդեր են տվել, Կիևը մինչ այժմ համագործակցել է Հաագայի տրիբունալի հետ երկկողմանի համաձայնության հիման վրա։ ՄՔԴ-ին լիարժեք միանալը նաև Եվրամիությանն Ուկրաինայի անդամակցության պայմաններից մեկն էր։
ՌԴ-ն Հռոմի ստատուտի անդամ չէ։
