21.01.2026 | 23:30
Ինչ իրավիճակ է Հայաստանի ճանապարհներին և Լարսում
Դրսևորե՛ք քաղաքական կամք, ազատ և արդար ընտրություն անցկացրե՛ք․ ՀՀԿ-ական պատգամավորի կոչը՝ Կառավարությանը․ ՏԵՍԱՆՅՈՒԹ
Քաղաքականություն
07.09.2018 | 11:56
Ազգային ժողովի Հանրապետական խմբակցության պատգամավոր Կարիներ Աճեմյանն ընտրակեղծարարությունը քրեականացնող օրենքների փաթեթի 2-րդ ընթերցման ժամանակ Կառավարության ղեկավարին հիշեցրեց վերջինիս խոսքերն ԱԺ-ում։
«Ուզում եմ հիշեցնել Կառավարության ղեկավարի՝ մշտապես այս ամբիոնից հնչեցվող հայտարարությունները, երբ մենք քննարկել ենք Ընտրական օրենսգիրքը։ Բոլոր այդ քննարկումների ժամանակ նա խոսել է քաղաքական կամքի մասին, այսինքն՝ Ընտրական օրենսգիրքը կարող է լինել իդեալական, բայց միայն քաղաքական կամքի առկայության դեպքում է, որ կարելի է անցկացնել ազատ արդար ընտրություններ»,-ասաց պատգամավորը և շեշտեց, որ Կառավարության նախարարներից մեկն արդեն կոպտորեն խախտում է օրենքը և քարոզարշավ է իրականացնում։
«Ես հորդորում եմ բոլոր ուժերին զգոն լինել, արդեն հնչում են տարբեր մեկնաբանություններ սև և սպիտակի մասին, հայհոյում են այն ուժերին, որոնք կարող են իրենց խանգարել, և դա նշանակում է, որ ես կարող եմ ենթադրել, որ վաղը կարող են լինել ընտրակեղծարարություններ։ Ես կոչ եմ անում Կառավարությանն ու այն իշխանական ուժին, որն այս ամբիոնից քաղաքական կամքի մասին է խոսել, դրսևորել նման կամք, քանի որ որևէ մեկը ձեզ չի խանգարում, ազատ արդար ընտրություններ անցկացրեք»,-ասաց պատգամավորը։
Մանրամասները՝ տեսանյութում։
