22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Բոբ Մենենդեսը հեռացել է Սենատից․ նա 222 տարվա ազատազրկումից խուսափելու համար ներում կխնդրի Բայդենից
Քաղաքականություն
21.08.2024 | 15:45
Նյու Ջերսիից նախկին դեմոկրատ սենատոր 70-ամյա Բոբ Մենենդեսը պաշտոնապես լքել է Սենատը՝ միջազգային կոռուպցիայի և կաշառակերության սխեմայի համար մեղադրանքից շաբաթներ անց, գրում է New York Post-ը։
Սենատի արտաքին հարաբերությունների հանձնաժողովի նախկին նախագահը մեղավոր է ճանաչվել տեղի գործարարներին և Կատարին ու Եգիպտոսին օգնելու դիմաց կաշառք վերցնելու մեղադրանքի 16 հոդվածներով։
Մեղադրանքներից մեկը վերաբերում էր որպես օտարերկրյա գործակալ հանդես գալուն։ Իր կատարած հանցագործությունների համար նրան սպառնում է 222 տարվա ազատազրկում, իսկ դատավճռի հրապարակումը սպասվում է հոկտեմբերի վերջին։
Այժմ, տասնամյակներ շարունակ Սենատում պաշտոնավարելուց հետ նա պաշտոնապես հեռացել է: Մենենդեսը նշել է, որ մինչև օրվա վերջ դուրս կգա Սենատից:
Հաղորդվում է, որ 70-ամյա սենատորն այժմ դիտարկում է երկարաժամկետ բանտարկությունից ազատվելու իր տարբերակները: Պոտենցիալ տարբերակներից մեկը կարող է լինել ԱՄՆ նախագահ Ջո Բայդենից ներում խնդրելը:
Սակայն, ըստ աղբյուրի, այդուհանդերձ, հեռանկարները փոքր են, քանի որ շատերն են արագորեն դեմ կանգնել Մենենդեսին նրա կատարած հանցագործությունների համար:
