14.12.2025 | 15:42
Կյանքից հեռացել է մանկական վիրաբույժ Ավթանդիլ Հարությունյանը
Սոբյանինը հայտնել է Մոսկվան ԱԹՍ-ներով գրոհելու ամենալայնածավալ փորձի մասին
Քաղաքականություն
21.08.2024 | 11:16
Մոսկվայի քաղաքապետ Սերգեյ Սոբյանինը հայտարարել է Ռուսաստանի մայրաքաղաքի վրա անօդաչու սարքերով հարձակվելու «ամենամեծ փորձերից մեկի» մասին։ Նրա խոսքով՝ օգոստոսի 20-ի լույս 21-ի գիշերը քաղաքին մոտենալիս, ընդհանուր առմամբ, 10 անօդաչու թռչող սարք են խոցել, փոխանցում է Current Time-ը։
«Թշնամական ԱԹՍ-ներից Մոսկվայի պաշտպանության էշելոնացված համակարգի ստեղծումը թույլ է տվել հաջողությամբ արտացոլել բոլոր գրոհները։ ՀՕՊ ուժերով այս գիշեր խոցվել է 10 ԱԹՍ։ Սա ամբողջ ընթացքում Մոսկվան ԱԹՍ-ներով գրոհելու ամենալայնածավալ փորձն է եղել։ Շարունակում ենք վերահսկել իրավիճակը»,- գրել է նա տելեգրամում։
Սոբյանինի խոսքով՝ զոհերի կամ ավերածությունների մասին տվյալներ չկան։
Մինչ այս, Մոսկվայի քաղաքապետը հայտնել էր Պոդոլսկում խոցված անօդաչու թռչող սարքերի մասին, որոնք նույնպես շարժվում էին դեպի Մոսկվա։
