20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Լավրովը բացառել է Ուկրաինայի հետ բանակցությունները Կուրսկի շրջան ներխուժման ֆոնին
Քաղաքականություն
20.08.2024 | 16:30
Մոսկվայի և Կիևի միջև բանակցությունները բացառվում են։ Այս մասին հայտարարել է ՌԴ ԱԳ նախարար Սերգեյ Լավրովը «Ռոսիա-1» հեռուստաալիքի եթերում, փոխանցում է Ինտերֆաքսը։
«Նախագահը շատ հստակ ասաց, որ այն բանից հետո, երբ սկսվեցին հարձակումները Կուրսկի շրջանի վրա, նույնիսկ ոչ թե հարձակում, այլ Կուրսկի շրջանի տարածք ներխուժում, որևէ բանակցությունների մասին խոսք լինել չի կարող։ Նախագահն ասաց նաև մի շատ կարևոր արտահայտություն, որի վրա կուզենայի ուշադրություն հրավիրել, որ մենք, իհարկե, մի փոքր ուշ կտանք այս իրավիճակի մեր գնահատականը»,- ասել է ռուսաստանցի պաշտոնյան։
Լավրովը «խոսակցություններ» է անվանել Ռուսաստանի և Ուկրաինայի էներգետիկ օբյեկտների հարցով Կատարի միջնորդությամբ և Թուրքիայի մասնակցությամբ պարենային անվտանգության բանակցությունների նախապատրաստման համար ոչ հրապարակային շփումների մասին տեղեկությունները։
