06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
Կարմիր Խաչն ավելի քան 1500 դիմում է ստացել Կուրսկի շրջանում մարդկանց որոնելու հարցով
Քաղաքականություն
20.08.2024 | 15:43
Օգոստոսի 11-ից 19-ն ընկած ժամանակահատվածում Ռուսաստանի Կարմիր Խաչն ավելի քան 1500 դիմում է ստացել Կուրսկի մարզում մարդկանց որոնելու հարցով, որտեղ մուտք են գործել Ուկրաինայի զինված ուժերի ստորաբաժանումները։ Շուրջ 100 մարդ արդեն հայտնաբերվել է։ Այս մասին գրում է «Վեդոմոստի»-ն՝ հղում անելով Կարմիր խաչի մամուլի ծառայությանը։
վՕգոստոսի սկզբից Lisa Alert որոնողական ծառայությունը Կուրսկի մարզում անհետ կորածներին որոնելու 779 հարցում է ստացել, որոնցից 111-ը փակվել է՝ «Գտնվել է, ողջ է» կարգավիճակով»,- պարբերականին ասել են ծառայության աշխատակիցները։
Օգոստոսի 15-ին ՌԴ Գլխավոր դատախազության խնդրանքով VKontakte-ն արգելափակել է «Սուջա․ մարդկանց որոնում» խումբը, որտեղ հրապարակվել են տարածքի անհետ կորած բնակիչների որոնումների մասին հայտարարությունները։
Ավելի վաղ Կուրսկի շրջանի օպերատիվ շտաբը տեղի բնակիչներին խորհուրդ էր տվել բաց աղբյուրներում չհրապարակել անհետ կորած հարազատների մասին տեղեկությունները՝ պատճառաբանելով, թե Ուկրաինայի զինված ուժերը, իբր, հավաքում են այդ տեղեկությունները «շանտաժի և ապատեղեկատվության տարածման համար»։
