14.01.2026 | 09:39
ԹՐԻՓՓ-ի միջոցով ինչի են ձգտում ՀՀ-ն ու ԱՄՆ-ը, ինչ օգուտներ են ակնկալում 2 երկրները
Բլոգերները հայտնել են ուկրաինական ուժերի կողմից Սեյմի վերջին կամրջի ոչնչացման մասին
Քաղաքականություն
20.08.2024 | 13:05
Ռուսաստանի Կուրսկի շրջանի Զվանոյե և Գլուշկովո գյուղերի միջև Սեյմ գետի վրայով անցնող՝ ռուս զինվորականների կողմից կառուցված պանտոնային անցումն անհետացել է։ DW-ի ռուսական ծառայության փոխանցմամբ՝ այս մասին են վկայում օգոստոսի 19-ի արբանյակային պատկերները:
Նշվում է, որ ծուխ է բարձրացել 500 մետր այն կողմից, որտեղ գտնվում էր պանտոնային անցումը։ Ավելի վաղ անցակետից ոչ հեռու հրդեհ են նկատել NASA FIRMS համակարգի արբանյակները, որոնք հրդեհներ են գրանցում երկրի մակերեսին։
Ռուսական բանակը Գլուշկովսկի շրջանում Սեյմ գետի վրա պանտոնային անցումներ է տեղադրում այն բանից հետո, երբ ուկրաինացի զինվորականներն այնտեղ մի քանի կամուրջ են ոչնչացրել։ Դրանցից մեկը ոչնչացվել է օգոստոսի 16-ի հարձակման արդյունքում, երկրորդը՝ օգոստոսի 18-ին։
Օգոստոսի 19-ին ռուս ռազմական բլոգերները հայտարարել էին, որ Ուկրաինայի զինված ուժերը ոչնչացրել են երրորդ կամուրջը, սակայն այս տեղեկությունը պաշտոնապես դեռևս չի հաստատվել։
