27.05.2026 | 19:32
Տեղակալիս հետ եկել եմ. Ակունքի վարչական ղեկավարը` Փաշինյանի քարոզարշավին. ՏԵՍԱՆՅՈՒԹ
Զելենսկին հայտարարել է Կուրսկում ավելի քան 1250 քառ․ կմ տարածք և 92 բնակավայր վերահսկելու մասին
Քաղաքականություն
20.08.2024 | 11:11
Ուկրաինայի զինված ուժերը վերահսկում են ՌԴ Կուրսկի շրջանի ավելի քան 1250 քառակուսի կիլոմետր տարածք և 92 բնակավայր։ Այս մասին հայտարարել է Ուկրաինայի նախագահ Վլադիմիր Զելենսկին։
«Ընդհանուր առմամբ, այս գործողությունը դարձել է ամենամեծ ներդրումը ուկրաինացի տղամարդկանց և կանանց ռուսական գերությունից ազատագրելու գործընթացում։ Մենք արդեն ամենամեծ թվով ռուս գերիներն ունենք մեկ գործողության ընթացքում, և սա նշանակալի արդյունք է, սա մեր նպատակներից մեկն է, և մեր գործողությունները շարունակվում են»,- ասել է Զելենսկին։
Նա նաև ընդգծել է՝ եթե Ուկրաինայի արևմտյան գործընկերները չեղարկեին ՌԴ տարածքում իրենց զենքի օգտագործման բոլոր սահմանափակումները, ապա Կուրսկի շրջան ներխուժելու անհրաժեշտություն չէր լինի։
Լուրը հրապարակելու պահին ռուսական կողմը դեռևս չի մեկնաբանել Ուկրաինայի նախագահի հայտարարությունը։
