09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Պուտինն ու Ալիևը Բաքվում տարածաշրջանային օրակարգի մի շարք հարցեր են քննարկել․ այցի արդյունքներով 6 փաստաթուղթ է ստորագրվել
Քաղաքականություն
19.08.2024 | 18:17
Ադրբեջանի և Ռուսաստանի ղեկավարներ Իլհամ Ալիևն ու Վլադիմիր Պուտինը Բաքվում քննարկել են տարածաշրջանային օրակարգի մի շարք հարցեր։ Այս մասին Պուտինը նշել է Ալիևի հետ բանակցություններից հետո մամուլին համար համատեղ հայտարարության ժամանակ։
«Բանակցություններում քննարկվել են նաև տարածաշրջանային օրակարգի մի շարք հարցեր, բնականաբար, հաշվի առնելով այն դերը, որ Ադրբեջանը խաղում է կասպյան տարածաշրջանում և Անդրկովկասում։ Շոշափվել են նաև արդի միջազգային թեմաներ»,- նշել է ՌԴ ղեկավարը՝ ընդգծելով, որ արտաքին քաղաքականության մեջ երկու երկրներն էլ հավատարիմ են միջազգային իրավունքի գերակայության, ինքնիշխանությանը և ներքին գործերին չմիջամտելու սկզբունքին։
Հաղորդվում է նաև, որ Պուտինի այցի ընթացքում Ռուսաստանն ու Ադրբեջանը ստորագրել են վեց փաստաթուղթ՝ երեք համաձայնագիր և երեք հուշագիր, նաև համատեղ հայտարարություն է ընդունվել։
Միջկառավարական համաձայնագրերը վերաբերում են երկկողմ համագործակցությանը սննդամթերքի անվտանգության, կարանտինի և բույսերի պաշտպանության, առողջապահության, բժշկական կրթության և գիտության ոլորտներում:
Ստորագրվել են փոխըմբռնման հուշագրեր աշխատանքային, կլիմայական փոփոխության և ներդրումների ոլորտներում:
