Քաղաքականություն
16.08.2024 | 20:00Մեր պատմությունը միշտ էլ ՌԴ-ն է շարադրել․ հիմա փորձ է արվում թույլ չտալ վերաշարադրել, Factor TV-ի հետ զրույցում նման կարծիք հնչեցրեց «Ժողովրդավարական հարթակ» հիմնադրամի տնօրեն Գարեգին Միսկարյանն՝ արձագանքելով ՌԴ ԱԳՆ-ի այն կոչին, թե չպետք է թույլ տալ, որ «Հայոց պատմության» 8-րդ դասարանի դասագիրքը մտցվի հայկական հանրակրթական դպրոցներ։ Պատճառը «Արևելյան Հայաստանի բռնակցումը Ռուսաստանին» ձևակերպումն է։ ԿԳՄՍՆ-ից Factor.am-ին փոխանցել էին, որ նախարարությունն առաջարկել է հեղինակներին այդ գլուխը վերափոխել, այն արդեն փոփոխված տարբերակով շրջնառության է ներկայացվել։
Գարեգին Միսկարյանի խոսքով՝ ՌԴ-ն չի ուզում, որ փրկչի իր կերպարն աղաղաղվի, մարդիկ հասկանան որ ոչ թե մեզ էր ուզում փրկել, այլ իր կայսրության սահմաններն էր մեծացնում հայ ժողովրդի հաշվին։
Անդրադառնալով վեջին օրերին ադրբեջանական կողմի տարածած ապատեղեկատվությանը, թե հայկական կողմը խախտում է հրադադարի ռեժիմը, Միսկարյանը նկատեց, որ սովորաբար ադրբեջանական կողմը նման հայտարարություններ է անում բանակցություններին ընդառաջ։ Ըստ նրա՝ Ադրբեջանի այս ապատեղեկատվությունը հեռահար նպատակ չունի։
«Ժողովրդավարական հարթակ» հիմնադրամի տնօրենը խոսել է նաև Հատիս լեռան վրա ԲՀԿ առանջորդի կողմից Հիսուս Քրիստոսի արձանի տեղադրման ծրագրի շուրջ ստեղված իրավիճակից։ Նրա պնդմամբ՝ ապօրինի որոշմամբ է Հատիսի վրա տեղադրվելու Հիսուս Քրիստոսի արձանը։ Միսկարյանը այս ծրագրում նաև կոռուպցիոն ռիսկեր է տեսնում։
«Թող պարզեն՝ ինչ կաշառքներ են ստացել, ինչպես են տարբեր նախարարներ Կոտայքում տներ կառուցում այդ ծրագրի շրջանակներում։ Նիկոլ Փաշինյանը թող հրահանգի ՊՎԾ-ին ստուգումներ իրականացնել»,- նշեց նա։
Հարցազրույցը՝ տեսանյութում։
Մանյա Պողոսյան
