07.10.2026 | 16:00
2-րդ դասարանի աշակերտուհուն ծեծելու դեպքով ուսուցչուհուն ձերբակալելու որոշում է կայացվել
Ադրբեջանը հերթական մեղադրանքներն է հնչեցրել ՀՀ-ի հասցեին
Քաղաքականություն
16.08.2024 | 15:07
Բաքուն հերթական մեղադրանքներն է հնչեցրել ՀՀ-ի հասցեին։ Նախիջևանի Ինքնավար Հանրապետությունում ԱՀ նախագահի լիազոր ներկայացուցիչ Ֆուադ Նաջաֆլին՝ Նախիջևանում ելույթ ունենալով «Էկոլոգիական ջրային խախտումները, որոնք խթանում են կլիմայի փոփոխությունը» թեմայով գիտագործնական համաժողովում՝ հայտարարել է, թե
«Հայաստանի հանքարդյունաբերությունն է լուրջ բացասական ազդեցություն ունեցել Ադրբեջանի էկոլոգիական միջավայրի վրա»։ Ինչպես հաղորդում են ադրբեջանական լրատվամիջոցները՝ պաշտոնյան շեշտել է, որ «Հայաստանի կողմից ինչպես Արաքսում, այնպես էլ Շիր Արխիում թունավոր մետաղների արտանետումների հետևանքով ոչնչացվում են հարյուրավոր չվող թռչուններ և ձկներ»։
«Արաքս գետի աղտոտումը Հայաստանի կողմից այսօր շարունակվում է, ինչը հանգեցնում է ափամերձ տարածքների կենդանական և բուսական աշխարհի ոչնչացմանը։ Կարելի է ասել, որ շատ բույսեր ու կենդանիներ արդեն իսկ անհետացման վտանգի տակ են։ Վերջին դիտարկումների ժամանակ պարզվել է, որ գետի ջուրը թանձրացել և փոխել է իր գույնը։ Չնայած այս ամենին՝ Հայաստանը դեռ շարունակում է իր գործողությունները բնության դեմ»,- նշել է Ֆուադ Նաջաֆլին։
Նման մեղադրանքներ Բաքուն հնչեցրել էր նաև մոտ մեկ տարի առաջ։
