11.09.2024 | 15:42
«Հրազդան ՋԷԿ»-ի հարակից տարածքի մետաղաձուլարանում տեղի ունեցած պայթյունի դեպքի հանգամանքները պարզվում են նախաքննությամբ
Նոան Աթենքում պարտվեց ԱԵԿ-ին, բայց դուրս եկավ փլեյ-օֆֆ
15.08.2024 | 23:43
Այսօր կայացավ Կոնֆերենցիաների լիգայի խաղարկության որակավորման երրորդ փուլի ԱԵԿ-«Նոա» հանդիպումը։
Դիմակայության պատասխան հանդիպումը կայացավ Հունաստանում։ Հիշեցնենք, որ թիմերի միջև կայացած առաջին խաղում երևանյան ակումբը 3-1 հաշվով հաղթանակ էր տարել։
Armsport.am-ի փոխանցմամբ՝ այսօրվա հանդիպման առաջին խաղակեսում թիմերը չկարողացան գտնել մրցակցի դարպասի բանալին և խաղակեսն ավարտվեց ոչ-ոքի՝ 0-0 հաշվով։ Երկրորդ խաղակեսում, հանդիպման խաղավարտին մոտ, տանտերերը բացեցին հանդիպման հաշիվը։ Հանդիպումն ավարտվեց հունական թիմի հաղթանակով՝ 1-0 հաշվով։
Այսպիսով «Նոան» հաղթեց ընդհանուր դիմակայությունում 3-2 հաշվով և դուրս եկավ Կոնֆերենցիաների լիգայի որակավորման փլեյ-օֆֆ փուլ:
Հիշեցնենք, որ այսօր «Փյունիկը» Կոնֆերենցիաների լիգայի խաղարկության որակավորման երրորդ փուլի պատասխան խաղում նվազագույն հաշվով հաղթել է ղազախական «Օրդաբասիին» և երկու խաղերի արդյունքում առավելության հասնելով 2-0 հաշվով՝ ևս դուրս է եկել որակավորման փլեյ-օֆֆ փուլ:
