07.10.2026 | 23:48
Արթուր Դանիելյանը կալանավորվեց
Ռումինիայում ՆԱՏՕ-ի բազայի տարածքը քառապատկվելու է․ Le Monde
Քաղաքականություն
15.08.2024 | 16:45
Արդիականացման աշխատանքների ավարտից հետո Ռումինիայում ՆԱՏՕ-ի «Միխայիլ Կոգալնիչեանուի» բազայի տարածքը կընդլայնվի 4 անգամ։ Այս մասին հայտնում է Le Monde թերթը՝ հղում կատարելով ռումինացի զինվորականներին։
Ըստ այդ տեղեկությունների՝ կստեղծվի հավելյալ թռիչքուղի, ինչպես նաև կընդլայնվի տեղաշարժի ու ինքնաթիռների կանգառի համար նախատեսված տարածքը։ Բացի այդ, բազան կունենա նոր անգարներ, պահեստներ, հսկիչ աշտարակ և մի «ամբողջ քաղաք»՝ հիվանդանոցներով և դպրոցներով: ՆԱՏՕ-ի զինվորները և նրանց ընտանիքները կկարողանան այս քաղաքում ապրել շատ ավելի երկար, քան ներկայում հնարավոր է:
Ըստ պարբերականի՝ բազան դարձել է դաշինքի արևելյան թևի «ռազմավարական ամենակարևոր օբյեկտներից»՝ ռուսական սպառնալիքի պայմաններում։ Այնտեղից, մասնավորապես, վերահսկվում է Սև ծովի տարածքը։
