22.11.2024 | 14:28
Գևորգ Պապոյանն ընդունել է ՀՀ-ում Նիդերլանդների դեսպանին
Մեկնարկել են ՀԱՊԿ-ի «Կոբալտ-2024» զորավարժությունները․ ՀՀ-ն չի մասնակցում
Քաղաքականություն
14.08.2024 | 15:44
ՌԴ Նովոսիբիրսկի մարզում տեղի է ունեցել ՀԱՊԿ «Կոբալտ-2024» զորավարժությունների բացման արարողությունը՝ Ռոսգվարդիայի գլխավորությամբ։ ՀԱՊԿ պաշտոնական կայքում հրապարակված հաղորդագրության համաձայն՝ եռօրյա վարժանքներին մասնակցում են ներքին գործերի, ազգային անվտանգության մարմինների, ներքին զորքերի (ազգային գվարդիա), հատուկ և թմրամիջոցների դեմ պայքարի ծառայությունների, ինչպես նաև շտապ փրկարարական և հրդեհաշիջման կառույցների հատուկ ստորաբաժանումները Ռուսաստանի Դաշնությունից, Բելառուսից, Ղազախստանից, Տաջիկստանից և Ղրղզստանից:
Հայաստանն այս վարժանքներին չի մասնակցում։
«Այսօր աշխարհում և մեր կազմակերպության պատասխանատվության գոտում ձևավորվող ռազմաքաղաքական իրավիճակը կարելի է բնութագրել գրեթե երկու բառով՝ լարված և բարդ։ Ուստի մենք պատրաստ ենք ցանկացած պահի գործել և մասնակցել ցանկացած տարածաշրջանի անվտանգության ապահովմանը»,- նշել է ՀԱՊԿ գլխավոր քարտուղարի տեղակալ Վալերի Սեմերիկովը։
Զորավարժությունների ընթացքում կյուրացվեն ուժերի և միջոցների գործողությունների նոր ձևեր ու եղանակներ, կփորձարկվեն զենքի, ռազմական տեխնիկայի նոր նմուշներ, ինչպես նաև անօդաչու թռչող սարքերի, հետախուզական միջոցների կիրառման մարտավարական հնարքներ:
