30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ճապոնիայի վարչապետը հրաժարվել է երկրորդ ժամկետով առաջադրվելուց
Քաղաքականություն
14.08.2024 | 15:32
Ճապոնիայի վարչապետ Ֆումիո Կիշիդան չորեքշաբթի անսպասելիորեն հայտարարել է, որ չի մասնակցելու սեպտեմբերին կայանալիք կուսակցության ղեկավարության ընտրություններին՝ ճանապարհ բացելով նոր վարչապետի համար, փոխանցում է VOA-ն։
Կիշիդան իշխող Լիբերալ-դեմոկրատական կուսակցության նախագահ է ընտրվել 2021 թվականին, իսկ նրա եռամյա ժամկետն ավարտվում է սեպտեմբերին։ Նրա որոշումը նշանակում է, որ նոր գործչը, որը կհաղթի կուսակցության ներսում ընտրությունների արդյունքում, կհաջորդի նրան վարչապետի պաշտոնում, քանի որ ԼԴԿ-ն վերահսկում է խորհրդարանի երկու պալատները:
Նա հայտարարել է, որ նոր առաջնորդի հայտնվելը պետք է ցույց տա, որ կուսակցությունը փոխվում է դեպի լավը։ Կիշիդան հայտարարել է, որ կաջակցի կուսակցության նոր ղեկավարին:
Ճապոնիայի իշխող կուսակցության ներսում կոռուպցիոն սկանդալների ֆոնին Կիշիդան բախվել է խնդրի՝ նրան աջակցության մակարդակը նվազել է 20%-ից: Այս տարվա սկզբին ՏԻՄ ընտրություններում պարտությունը խաթարել է նրա ազդեցությունը, և ԼԴԿ օրենսդիրները խոսել են հաջորդ համընդհանուր ընտրություններից առաջ նոր առաջնորդի անհրաժեշտության մասին:
