01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Բլինքենն ու Ֆիդանը քննարկել են Գազայում հրադադարի պայմանները
Քաղաքականություն
13.08.2024 | 14:16
Թուրքիայի արտգործնախարար Հաքան Ֆիդանն իր ամերիկացի գործընկեր Էնթոնի Բլինքենի հետ հեռախոսազրույցում ասել է, որ պետք է ճնշում գործադրել Իսրայելի վրա՝ տևական հրադադարի հասնելու համար, գրում է թուրքական Անադոլուն։
Թուրքիայի ԱԳՆ խոսնակ Օնջյու Քեչելին X-ում գրառմամբ հայտնել է, որ զրույցի ընթացքում քննարկվել են Իսրայելի և ՀԱՄԱՍ-ի միջև բանակցային գործընթացն ու տարածաշրջանում աճող լարվածությունը։
«Նախարար Ֆիդանը նշել է, որ ՀԱՄԱՍ-ի քաղբյուրոյի ղեկավար Հանիեի մահը և պաղեստինցիների շարունակվող ջարդերը ևս մեկ անգամ ցույց են տալիս, որ Իսրայելը խաղաղություն չի ցանկանում»,- ասվում է հաղորդագրության մեջ։
Ըստ խոսնակի՝ Ֆիդանն ասել է, որ ՀԱՄԱՍ-ը նախկինում կառուցողական վերաբերմունք է ցուցաբերել հրադադարի նկատմամբ։
«Թուրքիայի արտգործնախարարն ընդգծել է Իսրայելի վրա ճնշում գործադրելու անհրաժեշտությունը՝ տևական հրադադարի հասնելու համար»,- հավելել է նա։
Զրույցի ընթացքում, ըստ թուրքական կողմի, Ֆիդանը նաև ուշադրություն է հրավիրել այն փաստի վրա, որ տարածաշրջանում աճող լարվածությունը մտահոգության տեղիք է տալիս։ Պետքարտուղար Բլինքենն իր հերթին կարծիք է հայտնել, որ Իսրայելը պետք է խուսափի սադրիչ քայլերից, որոնք կարող են հանգեցնել հակամարտության հետագա տարածմանը։
