24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Երևանում կնշվի Երիտասարդների միջազգային օրը
10.08.2024 | 10:55
2000 թվականին Միավորված ազգերի կազմակերպության (այսուհետ՝ ՄԱԿ) կողմից օգոստոսի 12-ը սահմանվել է Երիտասարդության միջազգային օր՝ ՄԱԿ-ի անդամ պետությունների ուշադրությունը հրավիրելու երիտասարդությանն առնչվող խնդիրներին և դրանք լուծելու առաջնահերթություններին․ տեղեկացնում են Երևանի քաղաքապետարանից։
Հայաստանի Հանրապետությունը նույնպես նշում է Երիտասարդության միջազգային օրը՝ կարևորելով երիտասարդության դերը հանրության և պետության զարգացման, առաջընթացի գործում:
Երևանի քաղաքապետարանը ևս, անմասն չմնալով այս կարևոր իրադարձությունից, 2024թ. օգոստոսի 12-ին՝ ժամը՝ 17:00-ին Միսաք Մանուշյանի անվան պուրակում անցկացնելու է այդ միջազգային օրվան նվիրված միջոցառում՝ Երևան համայնքի ենթակայությամբ գործող երիտասարդության ոլորտին առնչվող կազմակերպությունների մասնակցությամբ՝ ապահովելով տաղավարներ, բեմահարթակ և տեխնիկական անհրաժեշտ միջոցներ:
Երևանի քաղաքապետարանը ակնկալում և ողջունում է նաև Երևանում գործող հասարակական կազմակերպությունների և երիտասարդական խմբերի մասնակցությունը միջոցառմանը և շահագրգիռ բոլոր կազմակերպություններին և անհատներին հրավիրում է միջոցառմանը:
Լրացուցիչ տեղեկությունների համար կամ հարցերի ունենալու դեպքում զանգահարել 011-514-396 հեռախոսահամարով:
