27.05.2026 | 22:19
Ի դեմս Փաշինյանի` հայհոյանքով, տառապանքով, դավաճան գոռալով հասանք խաղաղության հանգրվանի. Միքայելյան. ՏԵՍԱՆՅՈՒԹ
Ալիևը Կենտրոնական Ասիայի երկրներին պաշտպանության և անվտանգության ոլորտում ակտիվ համագործակցության կոչ է արել
Քաղաքականություն
09.08.2024 | 17:38
Ադրբեջանը և Կենտրոնական Ասիայի երկրները մեկ միասնական պատմամշակութային և աշխարհաքաղաքական տարածք են, որի ռազմավարական նշանակությունը գնալով մեծանում է։ Նման կարծիք է հայտնել Ադրբեջանի նախագահ Իլհամ Ալիևը Աստանայում Կենտրոնական Ասիայի պետությունների ղեկավարների հանդիպմանը, փոխանցում է ադրբեջանական Թուրան գործակալությունը։
Նրա խոսքով՝ աշխարհում աճող սպառնալիքներն ու մարտահրավերները պահանջում են այդ երկրների միջև պաշտպանության և անվտանգության ոլորտում համագործակցության ավելի մեծ ամրապնդում։ Այս համատեքստում Ալիևը հատկապես նշել է հուլիսին Ղազախստանում անցկացված «Բիրլեստիկ-2024» միջազգային օպերատիվ-մարտավարական հրամանատարաշտաբային զորավարժությունները, որին մասնակցել է նաև Ադրբեջանը։
Տնտեսական համագործակցության առումով Ադրբեջանի ղեկավարը հետաքրքրություն է հայտնել Կենտրոնական Ասիայի երկրների հետ վերականգնվող էներգետիկայի ոլորտում սերտ համագործակցության հարցում։
