01.11.2024 | 17:27
Փաշինյանի գլխավորությամբ քննարկվել է 2024-2026 թթ. Ոստիկանության ոլորտի բարեփոխումների ռազմավարական ծրագրի նախագիծը
Մեծ Բրիտանիայում անկարգությունների համար մեղադրանք է առաջադրվել գրեթե 160 անձի
Քաղաքականություն
09.08.2024 | 20:44
Մեծ Բրիտանիայում գրեթե 160 անձի մեղադրանք է առաջադրվել անգլիական Սաութպորտում երեխաների վրա հարձակումից հետո բռնկված անկարգությունների համար, հայտնել է Թագավորության դատախազությունը:
«Մեր թիմերը շարունակում են շուրջօրյա աշխատել ոստիկանության հետ՝ հնարավորինս արագ մեղադրանք առաջադրելու և արդարադատության իրականացումն ապահովելու համար: Մինչ օրս մենք մեղադրանք ենք առաջադրել 159 անձի»,- ասվում է գերատեսչության X-ում տարածված հաղորդագրության մեջ։
Նախօրեին Ազգային ոստիկանապետերի խորհուրդը հայտնել էր, որ անկարգությունների սկսվելուց հետո Բրիտանիայում ձերբակալվել է 483 մարդ։
Հուլիսի վերջին բրիտանական բազմաթիվ քաղաքներում զանգվածային բողոքի ցույցեր են սկսվել այն բանից հետո, երբ Սաութպորտ քաղաքում 17-ամյա դեռահասը դանակով հարձակվել է երեխաների վրա։ Այն ժամանակ երեք երեխա մահացել է, ևս մի քանի երեխա ու երկու մեծահասակ ծայրահեղ ծանր վիճակում տեղափոխվել է հիվանդանոց։
