14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
ՌԴ-ն Դոնեցկի մարզում հարվածել է սուպերմարկետի․ զոհվել է 4 մարդ, ևս 24-ը վիրավոր է
Քաղաքականություն
09.08.2024 | 15:55
Ռուսական զորքերը գնդակոծել են ուկրաինական Դոնեցկի մարզի Կոնստանտինովկա քաղաքը, հայտնել է Դոնեցկի շրջանային ռազմական վարչակազմի ղեկավար Վադիմ Ֆիլաշկինը, փոխանցում է Current Time-ը։
Չորս մարդ զոհվել է, ևս 24-ը՝ վիրավորվել։
Ֆիլաշկինի խոսքով՝ վիրավորներից մեկի վիճակը ծանր է, նրան բուժօգնություն են ցուցաբերում։
«Կոնստոնտինովկայի սուպերմարկետին հարվածը ռուսների հերթական ահաբեկչությունն է։ Քաղաքացիական անձանց հետ պատերազմն այն ամենն է, ինչ նրանք կարող են»,- գրել է Ուկրաինայի նախագահի աշխատակազմի ղեկավար Անդրեյ Երմակը։
Ուկրաինայի նախագահ Վլադիմիր Զելենսկին իր հերթին հայտնել է, որ մարդիկ շարունակում են մնալ փլատակների տակ, իսկ փրկարարական աշխատանքները շարունակվում են։
«Ռուս ահաբեկիչները հարվածել են սովորական սուպերմարկետի և փոստային բաժանմունքի։ Մարդիկ փլատակների տակ են։ Փրկարարական գործողությունը շարունակվում է, ամեն ինչ կարվի մարդկանց փրկելու համար»,- նշել է նա։
