09.09.2026 | 16:19
Չխոշորացված համայնքը մի խոշորացրեք ու որևէ մարդու հագով մի կարեք համայնքի ղեկավարի պաշտոնը․ Մամիկոն Ասլանյան․ ՏԵՍԱՆՅՈւԹ
ՌԴ Լիպեցկի մարզում ԱԹՍ-ների հարձակման հետևանքով հրդեհ է բռնկվել ռազմական օդանավակայանում, մոտակա բնակավայրերից մարդիկ են տարհանվում․ ՏԵՍԱՆՅՈՒԹ
Քաղաքականություն
09.08.2024 | 11:06
Ուկրաինական անօդաչու թռչող սարքի հարձակումից հետո հրդեհ է բռնկվել Լիպեցկի ռազմական օդանավակայանում։ Այս մասին հայտնում են Արտակարգ իրավիճակների նախարարության մարզային վարչությունից, փոխանցում է Current Time-ը։
Astra-ի տեղեկություններով, օդանավակայանում ԱԹՍ-ների գրոհից հետո, ամենայն հավանականությամբ, հրդեհվել է սպառազինությամբ պահեստը։ Մարզպետ Իգոր Արտամանովն առավոտյան իր ուղերձներում չի հիշատակել օդանավակայանում բռնկված հրդեհը։ Նա հայտնել է, որ Լիպեցկը ենթարկվել է ԱԹՍ-ների զանգվածային հարձակման։ Նրա խոսքով՝ պայթուցիկ առարկաների պայթյունը տեղի է ունեցել «քաղաքացիական շենքերից հեռու»։ Պայթյունի հետեւանքները վերացնելու համար Լիպեցկի մունիցիպալ շրջանում արտակարգ դրություն է մտցվել և դադարեցվել է երթևեկությունը։
«Բնակիչների անվտանգությունն ապահովելու համար որոշում է կայացվել տարհանել հետևյալ բնակավայրերը՝ Կոպցևի Խուտոր, Ֆեդորովկա, Յակովլևկա, Տինկովկա: Այս բնակավայրերի բնակիչները պետք է հետևեն արտակարգ իրավիճակների ծառայության ներկայացուցիչների ցուցումներին»,- գրել է նա։
Տարհանման գոտում է հայտնվել 416 տնային տնտեսություն։ Այս բնակավայրերը գտնվում են ռազմական օդանավակայանի մոտ։ Անօդաչու թռչող սարքի հարձակման հետևանքով վիրավորվել է վեց մարդ։
Վնասվել է նաև էներգետիկ ենթակառուցվածքը։ Լիպեցկի որոշ շրջաններ մնացել են առանց էլեկտրականության, սակայն ավելի ուշ էլեկտրամատակարարումը վերականգնվել է։
