11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
«Ասում էի՝ մեր երկիրը ստիպված կլինի թանկ գին վճարել»․ ռուս ընդդիմադիրը՝ Կուրսկի մարզի վրա Ուկրաինայի հարձակման մասին
Քաղաքականություն
08.08.2024 | 19:13
Ռուսաստանցի ընդդիմադիր գործիչ Իլյա Յաշինն Ուկրաինայի դեմ պատերազմ սկսած ՌԴ նախագահ Վլադիմիր Պուտինին է պատասխանատու համարում ուկրաինական ուժերի հարձակման հետևանքով Կուրսկի շրջանում մարդկանց մահվան համար, գրում է Մեդուզան։
«Այն, ինչ կատարվում է Կուրսկի շրջանում, սարսափելի է։ Պատերազմի առաջին օրվանից ես ասում էի, որ Պուտինն անպայման մահ ու ավերածություն կբերի ՌԴ-ին, և մեր երկիրը ստիպված կլինի թանկ վճարել նրա արյունալի արկածախնդրության համար։ Այդպես էլ եղավ, ցավոք»,- ասել է նա:
Յաշինն ընդգծել է, որ եթե Պուտինն Ուկրաինայի վրա հարձակվելու հրաման չտար, Կուրսկի շրջանում բոլոր սպանվածները ողջ կլինեին։
Ուկրաինայի զինված ուժերն օգոստոսի 6-ի գիշերը գրոհել են Կուրսկի շրջանը։ Արդեն երրորդ օրն է՝ այնտեղ մարտեր են ընթանում, իսկ մարզում արտակարգ դրություն է մտցվել։ Առնվազն հինգ խաղաղ բնակիչ է զոհվել, հայտնել են իշխանությունները։
2022 թվականին Իլյա Յաշինը 8,5 տարի ժամկետով ազատազրկման է դատապարտվել՝ ռուսական բանակի մասին «կեղծիքների» համար։ 2024 թվականի օգոստոսի 1-ին նա ազատ է արձակվել բանտարկյալների փոխանակման շրջանակում։
