07.10.2026 | 23:48
Արթուր Դանիելյանը կալանավորվեց
Հարավային Կորեան ցանկանում է արգելել Հյուսիսային Կորեայի օլիմպիականներին իրենց հետ տանել Samsung սմարթֆոնները
Քաղաքականություն
09.08.2024 | 13:36
Հարավային Կորեայի ԱԳՆ-ն կարծում է, որ Փարիզի Օլիմպիական խաղերում Հյուսիսային Կորեայի թիմին Samsung սմարթֆոններ նվիրելը խախտում է ՄԱԿ-ի բանաձևը, որն արգելում է Հյուսիսային Կորեայի հասանելիությունը արդյունաբերական սարքավորումներին։ Հարավային Կորեայի կառավարությունն այս հարցով սպասում է Միջազգային օլիմպիական կոմիտեի որոշմանը, գրում է Yonhap-ը՝ վկայակոչելով ԱԳՆ-ում իր աղբյուրներին։
«2397 բանաձևի 7-րդ հոդվածի համաձայն՝ ՄԱԿ-ի Անվտանգության խորհուրդն արգելում է Հյուսիսային Կորեային ցանկացած արդյունաբերական սարքավորումների ուղղակի կամ անուղղակի մատակարարումը, վաճառքը կամ փոխանցումը։ Սմարթֆոնները, ըստ այս որոշման, համարվում են արգելված իրեր»,- ասել է ԱԳՆ-ի ներկայացուցիչը։
Օլիմպիական խաղերի գործընկեր Samsung Electronics-ը մարզիկներին բաժանել է Galaxy Z Flip սմարթֆոնի օլիմպիական տարբերակը։ Ըստ լրատվամիջոցների՝ հյուսիսկորեացի մարզիկներն ընդունել են նվերը։
2018 թվականին Հարավային Կորեայի Փհենչհան քաղաքում կայանալիք ձմեռային Օլիմպիական խաղերի ժամանակ ԿԺԴՀ-ի թիմից պահանջվել էր խաղերի ավարտից հետո վերադարձնել սմարթֆոնները։ Այն ժամանակ մարզիկները հրաժարվել էին Samsung-ի առաջարկած սարքերից։
