13.06.2026 | 00:58
ԱԱ-2026․ Կանադան խուսափեց պարտությունից Բոսնիա և Հերցեգովինայի դեմ խաղում․ ՏԵՍԱՆՅՈՒԹ
Մենք ձեր կցորդը չենք․ նման լուրջ նախագծերը չպետք է ձեռքի հետ ոտքի վրա բերել Ազգային ժողով․ Էդուարդ Շարմազանով․ ՏԵՍԱՆՅՈՒԹ
Քաղաքականություն
06.09.2018 | 14:09
Կառավարության ներկայացրած օրենսդրական փոփոխությունների նախագծերը, այո՛, շատ կարևոր են, սակայն, պնդում եմ, որ նման լուրջ նախագծերը չպետք է ձեռքի հետ ոտքի վրա բերել Ազգային ժողով, ինչի համար ՀՀԿ-ին քննադատում էր ներկա իշխանությունը: «Մենք ձեր կցորդը չենք»,- այսօր Ազգային ժողովում, խոսելով ընտրակեղծարարությունը քրեականացնող օրենքի նախագծերի մասին, ասաց ԱԺ փոխնախագահ էդուարդ Շարմազանովը։
«Հարգելի՛ Կառավարություն, որևէ բան չի փոխվել Կառավարություն և Ազգային ժողով հարաբերություններում, մենք ձեր գործընկերներն ենք, սակայն պահանջում ենք ցանկացած օրենսդրական նախաձեռնություն բերելիս առաջնորդվել ոչ թե քաղաքական շահով, այլ օրենքին տալ համապատասխան տեսք։ Հուսով եմ, որ հաջորդ ընթերցումների ժամանակ դրանք կլրացվեն, քանի որ ձևակերպումները թերի են»,- ասաց ԱԺ փոխնախագահը։
Վերջինս նշեց, որ համամիտ է «Ելք» խմբակցության պատգամավոր Արամ Սարգսյանի հետ, որ չպետք է վհուկների որսի վերածենք ցանկացած օրենսդրական նախաձեռնություն։ «Էդ մոլուցքից՝ մարդկանց բռնելու, ազատվեք»,- ասաց նա։
Էդուարդ Շարմազանովը նաև շեշտեց, որ առաջարկվող փոփոխությունները ունեն նաև հասարակությանը հասկանալի դառնալու խնդիր։ «Այստեղ կա հանրային իրազեկման խնդիր, մի քանի օրում ո՞նց եք 3 միլիոն մարդու իրազեկելու»,- մտահոգություն հայտնեց Էդուարդ Շարմազանովը։
Մանրամասները՝ տեսանյութում
