27.05.2026 | 21:52
Կօգտագործեմ լծակներս, որ Լուկաշենկոն ԵԱՏՄ-ն չկարողանա օգտագործել Հայաստանի դեմ. Փաշինյան. ՏԵՍԱՆՅՈՒԹ
Ուկրաինան Մեքսիկայի իշխանություններին խնդրել է ձերբակալել Պուտինին երկրի նախագահի երդմնակալության ժամանակ
Քաղաքականություն
08.08.2024 | 15:55
Մեքսիկայում Ուկրաինայի դեսպանատունը խնդրել է ձերբակալել ՌԴ նախագահ Վլադիմիր Պուտինին, եթե նա ժամանի նախագահ Կլաուդիա Շեյնբաումի երդմնակալության արարողությանը, որը նախանշված է հոկտեմբերի 1-ին։ Համապատասխան կոչը հրապարակվել է դիվանագիտական առաքելության ֆեյսբուքյան էջում, գրում է The Moscow Times-ը։
«Հուսով ենք, որ Մեքսիկայի կառավարությունը տեղյակ է այն փաստի մասին, որ Վլադիմիր Պուտինը ռազմական հանցագործ է, որը կասկածվում է ուկրաինացի երեխաների առևանգման և Ռուսաստան հարկադիր արտաքսման մեջ, ում ձերբակալման օրդեր է տվել Միջազգային քրեական դատարանը, որի իրավասությունը ճանաչում է Մեքսիկան»,- ասվում է հայտարարության մեջ։
Ուկրաինայի դեսպանատունը հույս է հայտնել, որ Մեքսիկան կկատարի իր պարտավորությունները և Պուտինին կհանձնի Հաագայի ՄԱԿ-ի դատական մարմնին։
Նախօրեին հայտնի դարձավ, որ Մեքսիկայի նախագահ ընտրված Շեյնբաումը սկսել է իր երդմնակալության արարողությանը մասնակցության հրավերներ ուղարկել այլ պետությունների ղեկավարներին։ Հրավերներից մեկն ուղարկվել է Պուտինին։
Դեռևս հայտնի չէ՝ արդյո՞ք ՌԴ նախագահն ընդունել է հրավերը և մասնակցելու է միջոցառմանը։
