09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Ադրբեջանի ԿԸՀ նախագահը հայտարարել է, թե «Արցախում բնակվող հայերը» կարող են մասնակցել Մեջլիսի ընտրություններին
Քաղաքականություն
08.08.2024 | 13:10
Ադրբեջանի Կենտրոնական ընտրական հանձնաժողովի նախագահ Մազահիր Փանահովը հայտարարել է, թե այս տարվա փետրվարի 7-ին անցկացված նախագահական ընտրությունների ժամանակ խնդրել է բոլոր միջազգային կազմակերպություններին, այդ թվում՝ ԵԱՀԿ առաքելությանը, այցելել Արցախում ընտրատեղամասեր։ Ադրբեջանական լրատվամիջոցների հաղորդմամբ՝ Փանահովը հայտարարել է, թե Մեջլիսի ընտրությունների համար նույնպես էթնիկ զտման ենթարկված ու հայաթափված Ստեփանակերտում ընտրատեսամաս է ստեղծվել։
«Այնտեղ մենք հիանալի ընտրատեղամասեր ենք ստեղծել։ Մենք տարբերակում չենք դնում։ Մեր հայազգի քաղաքացիները, որոնք բնակվում են ազատագրված տարածքներում, կարող են մասնակցել ընտրություններին։ Սրանք Միլլի Մեջլիսի առաջին ընտրություններն են, որոնք կարող ենք անվանել նաև «Հաղթանակի ընտրություններ»։ Մենք քվեարկություն ենք անցկացնելու Ադրբեջանի ամբողջ ինքնիշխան տարածքի ընտրատեղամասերում»,- ասել է նա։
Ըստ ադրբեջանցի պաշտոնյայի՝ Արցախում 55 մշտական տեղամաս է ստեղծվել, ստեղծվելու են նաև լրացուցիչ 5-օրյա շարժական տեղամասեր։
