09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Զախարովան արձագանքել է Հայաստանի՝ ՌԴ-ից հեռանալու մասին Օ՛Բրայենի հայտարարությանը
Քաղաքականություն
08.08.2024 | 10:54
«ԱՄՆ պետքարտուղարի Եվրոպայի ու Եվրասիայի հարցերով տեղակալ Ջեյմս Օ՛Բրայենի հայտարարությունները, որ Հայաստանը ցանկանում է շրջվել Ռուսաստանից, անհիմն են, ՌԴ-ի և Հայաստանի միջև դարերի ընթացքում ձևավորված կապերը կդիմանան բոլոր փորձություններին, որոնց Արևմուտքն անխոնջ ենթարկում է նրանց»,- Ռիա Նովոստիի հետ զրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Ինչ վերաբերում է Օ’Բրայենի անհիմն պնդումներին, թե Հայաստանը ցանկանում է շրջվել Ռուսաստանից, դա ամերիկացիներին բնորոշ աշխարհաքաղաքական ինժեներիայի ևս մեկ օրինակ է, ձգտում՝ համաշխարհային հանրության աչքում Վաշինգտոնին անհրաժեշտ «իրականությունը» հորինելու, որը կապ չունի իրականում տեղի ունեցողի հետ»,- ասել է Զախարովան։
Նա նշել է, որ սոցհարցումների միջոցով իրավիճակը խեղաթյուրելու փորձերը տեսանելի են վերջերս տարածաշրջանի այլ երկրներում:
«Օ՛ Բրայենն ու ընկերները պետք է սովորեն մի պարզ բան՝ մեր երկրների միջև դարերի ընթացքում ձևավորված կապերը կդիմանան բոլոր փորձություններին, որոնց Արևմուտքն անխոնջ ենթարկում է նրանց։ Պատմության ընթացքում մենք բազմիցս ուս ենք տվել եղբայրական հայ ժողովրդին, և մենք մտադիր ենք դա անել ապագայում»,- ասել է Զախարովան։
Հիշեցնենք՝ Օ՛ Բրայենը հայտարարել էր, որ ԼՂ-ի կորստից հետո ՀՀ բնակչության մեծ մասը ցանկանում է ավելի հեռանալ Ռուսաստանից։
