20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Թուրքիան միացել է Հաագայի դատարանում Իսրայելի դեմ հայցին
Քաղաքականություն
07.08.2024 | 18:24
Թուրքիան Արդարադատության միջազգային դատարան է ներկայացրել Հարավաֆրիկյան Հանրապետության կողմից Իսրայելի դեմ ցեղասպանության գործում ներգրավվածության մասին իր դիմումը, հաղորդում է TRT Haber-ը:
Թուրքիայի ԱԳ նախարար Հաքան Ֆիդանը սոցցանցում Իսրայելի դեմ հարուցված ցեղասպանության գործին Անկարայի միանալու դիմումի վերաբերյալ գրառում է արել։
«Իր հանցանքների համար անպատժելիությունից քաջալերված՝ Իսրայելն ամեն օր ավելի ու ավելի շատ անմեղ պաղեստինցիների է սպանում։ Միջազգային հանրությունը պետք է անի իր մասը՝ դադարեցնելու ցեղասպանությունը։ Պետք է անհրաժեշտ ճնշում գործադրել Իսրայելի և նրա կողմնակիցների վրա»,- նշել է Ֆիդանը՝ հավելելով, որ Թուրքիան կգործադրի հնարավոր բոլոր ջանքերը։
Օրերս Թուրքիայի նախագահ Ռեջեփ Թայիփ Էրդողանն էր հայտարարել, որ օգոստոսի 7-ին Անկարան կմիանա Արդարադատության միջազգային դատարանում Իսրայելի դեմ ցեղասպանության մասով Հարավաֆրիկյան Հանրապետության ներկայացրած հայցին։
