28.05.2026 | 23:35
Որտե՞ղ է կռվել Արթուր Օսիպյանը․ Նիկոլ Փաշինյանին արձագանքում են Օսիպյանի մարտական ընկերները
Պաղեստինը պատրաստ է Իսրայելի հետ խաղաղ բանակցությունների. Մահմուդ Աբբաս
Քաղաքականություն
07.08.2024 | 11:59
Պաղեստինը պատրաստ է Իսրայելի հետ վերջնական կարգավիճակի շուրջ բանակցությունների խաղաղության համաժողովի շրջանակում, ՌԻԱ Նովոստիին տված հարցազրույցում ասել է Պաղեստինի նախագահ Մահմուդ Աբբասը։
«Պաղեստին պետությունը ձևավորել է քաղաքական տեսլական և պատրաստել է ճանապարհային քարտեզ, որը հավանության է արժանացել արաբական վեց պետությունների խմբի կողմից և ներկայացվել է ԱՄՆ-ին, Եվրամիությանն ու ՄԱԿ-ի Անվտանգության խորհրդի անդամներին՝ քննարկման։ Այն հիմնված է համապարփակ քաղաքական լուծման վրա, որը ներառում է Գազայի հատվածում իսրայելական ներկայության դադարեցում»,- ասել է Աբբասը։
Նա ընդգծել է, որ ներկայացված որոշումը ենթադրում է «միջազգային խաղաղության համաժողովի շրջանակում իսրայելական կողմի հետ վերջնական կարգավիճակի շուրջ բանակցություններ՝ որոշակի ժամանակացույցի համաձայն և տարածաշրջանային անվտանգության մեխանիզմի մշակում»։
Ըստ Աբբասի՝ որպես այս որոշման մաս՝ Պաղեստինի ազգային իշխանությունը պատրաստ է իր գործառույթներն իրականացնել Գազայի հատվածում և պահանջում է դադարեցնել Իսրայելի բոլոր միակողմանի թշնամական գործողությունները Հորդանան գետի Արևմտյան ափին ու Երուսաղեմում։
