14.01.2026 | 11:30
ՀՀ իրավազորությունը սահմանային և մաքսային գործողությունների նկատմամբ անքննարկելի են․ ԱԳ նախարար․ ՏԵՍԱՆՅՈՒԹ
Հրդեհ Զովունի գյուղում
06.08.2024 | 20:39
Օգոստոսի 6-ին՝ ժամը 17:56-ին, Կոտայքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Զովունի գյուղի 9-րդ փողոցում այրվում է անասնագոմ։
ՆԳՆ Փրկարար ծառայությունից տեղեկացնում են, որ դեպքի վայր են մեկնել ՆԳՆ ՓԾ մարզային և Երևան քաղաքի փրկարարական վարչությունների հրշեջ-փրկարարական ջոկատներից չորս մարտական հաշվարկ, Ճգնաժամային կառավարման ազգային կենտրոնի օպերատիվ, հրդեհաշիջման և փրկարարական աշխատանքների կազմակերպման բաժնի հերթապահ և բժշկական ապահովման վարչության հերթապահ խմբերը:
Պարզվել է, որ հրդեհը բռնկվել է 9-րդ փողոցի թիվ 91 շենքի մոտակայքում գտնվող երկու շինության տանիքներում։
Հրդեհը մեկուսացվել է ժամը 18։34-ին, մարվել՝ 18:56-ին։ Այրվել են շինությունների տանիքները՝ 150 քմ և 50 քմ:
