01.11.2024 | 13:31
Թուրքական զենքը սպանում է ռուսներին․ Լավրովը՝ Անկարայի ու Կիևի ռազմական համագործակցությունը «տարակուսելի» է անվանել
Քամալա Հարիսը փոխնախագահի թեկնածուի է ընտրել Մինեսոտայի նահանգապետին
Քաղաքականություն
06.08.2024 | 18:10
ԱՄՆ փոխնախագահ Քամալա Հարիսը, որը Դեմոկրատական կուսակցությունից պաշտոնապես առաջադրվել է նախագահի պաշտոնին, փոխնախագահի թեկնածու է ընտրել Մինեսոտայի 60-ամյա նահանգապետ Թիմ Ուոլցին։ Այս մասին հայտնում են ամերիկյան լրատվամիջոցները՝ վկայակոչելով աղբյուրներին, գրում է Current time-ը։
Ուոլցը նախկին ուսուցիչ է, ֆուտբոլի մարզիչ և Ազգային գվարդիայի անդամ: 2006 թվականին նա ընտրվել է ԱՄՆ Ներկայացուցիչների պալատի անդամ հանրապետականների գերակշռող շրջանից, 2018-ին դարձել Մինեսոտայի նահանգապետ։
Reuters-ը գրում է, որ Ուոլցն առաջադեմ օրակարգ է առաջ տարել, որը ներառում է անվճար դպրոցական սնունդ, պայքար կլիմայի փոփոխության դեմ, միջին խավի համար հարկերի կրճատում և ընդլայնված վճարովի արձակուրդ: Նա նաև պաշտպանում էր կանանց վերարտադրողական իրավունքը՝ միաժամանակ ցուցաբերելով պահպանողական հայացքներ:
Ուոլցը քննադատում է նախագահի հանրապետական թեկնածու Դոնալդ Թրամփին և նրա փոխնախագահի թեկնածու Ջեյ Դի Վենսին։ Նա առաջինն էր, որը Թրամփի նկատմամբ օգտագործել է «տարօրինակ» տերմինը, որը նոր նարատիվ է դարձել դեմոկրատականների կելույթներում։
Հարիսի շտաբից հայտնել են, որ նախագահի և փոխնախագահի թեկնածուները շրջագայություն են սկսելու յոթ նահանգներով: Առաջինը նրանք կայցելեն Ֆիլադելֆիա՝ Փենսիլվանիա: Նախագահի երկու թեկնածուների համար ընտրություններում այս նահանգն ամենակարևորներից է։ Փենսիլվանիայի նահանգապետը Ջոշ Շապիրոն է, որը նույնպես եղել է փոխնախագահի հավանական թեկնածուների ցուցակում։
