20.07.2026 | 13:21
Գևորգ Պապոյանն այցելել է «ԻՆՏԵՐ ԱԿՎԱ» ձկնաբուծարան․ քննարկվել են դեպի ԵՄ արտահանման հնարավորությունները
Նախագահ Զուրաբիշվիլին կարող է ներում շնորհել Սաակաշվիլիին․ Պապուաշվիլի
Քաղաքականություն
06.08.2024 | 16:57
Վրաստանի նախագահ Սալոմե Զուրաբիշվիլին կարող է ներում շնորհել երկրի նախկին ղեկավար Միխեիլ Սաակաշվիլիին, հայտարարել է խորհրդարանի նախագահ Շալվա Պապուաշվիլին, փոխանցում է Առաջին ալիքը։
«Միխեիլ Սահակաշվիլին ջանք չխնայեց, որ Սալոմե Զուրաբիշվիլին մնա իր պաշտոնում, «Ազգային շարժումը» թողեց նրան, որ երբ հարկ համարեն ու իրավիճակը հասունանա, Սալոմե Զուրաբիշվիլին ներման ակտ տա։ Ի՞նչ կա այստեղ զարմանալի»,- ասել է նա։
Փետրվարին Սալոմե Զուրաբիշվիլին ասել էր, որ բանտում գտնվող նախկին նախագահ Միխեիլ Սաակաշվիլիին ներում շնորհելու որոշումը Վրաստանի նախագահի բարոյական պատասխանատվությունն է, և ոչ ոք չի կարող ազդել դրա վրա։
Ներում շնորհելու խնդրանքով Վրաստանի նախագահին են դիմել Ուկրաինայի խորհրդարանը, ինչպես նաև «Մթավարի արխի» ընդդիմադիր հեռուստաընկերության հիմնադիր Նիկա Գվարամիան ու ինքը՝ Սաակաշվիլին։
