11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Իրանը ՌԴ-ից ՀՕՊ համակարգեր է խնդրել Իսրայելի հետ պատերազմին պատրաստվելու համար․ The New York Times
Քաղաքականություն
06.08.2024 | 16:01
Իրանը, որը Ռուսաստանին հարձակողական անօդաչու թռչող սարքեր է մատակարարել Ուկրաինայի հետ պատերազմի համար, խնդրել է փոխադարձ ծառայություն մատուցել. Թեհրանին անհրաժեշտ են առաջադեմ ՀՕՊ համակարգեր՝ Իսրայելի հետ հակամարտության սրման պայմաններում, գրում է The New York Times-ը։
Իրանցի երկու պաշտոնյաներ, որոնք ծանոթ են ռազմական պլանավորմանը, այդ թվում՝ Իսլամական հեղափոխության պահապանների կորպուսի (ԻՀՊԿ) անդամ, հաստատել են, որ Թեհրանը նման խնդրանք է ներկայացրել Մոսկվային: Աղբյուրների խոսքով՝ Ռուսաստանը համաձայնել է օգնել և արդեն սկսել է ժամանակակից ռադարների ու հակաօդային պաշտպանության համակարգերի մատակարարումը։
Ըստ հրապարակման՝ որոշումն ընդունվել է՝ չնայած այն հանգամանքին, որ Ռուսաստանի Դաշնությունը տնտեսական և մշակութային կապեր ունի Իսրայելի հետ, որտեղ մեծ թվով ռուսաստանցի հրեաներ են ապրում։ Վերլուծաբաններն ասում են, որ Մոսկվան չի կարող իրեն թույլ տալ մերժել Թեհրանի խնդրանքը, քանի որ Ուկրաինայի դեմ պատերազմում մեծապես հենվում է իրանական Shahed անօդաչու թռչող սարքերի վրա:
Իրանը պատրաստվում է հարվածել Իսրայելին՝ ՀԱՄԱՍ-ի քաղբյուրոյի ղեկավար Իսմայիլ Հանիեի սպանության վրեժը լուծելու համար։
