22.11.2024 | 15:15
Քաղաքապետարանը չի թույլատրում լուսաբանել վարչության պետերի մրցույթը՝ խախտելով հրապարակայնության սկզբունքը
Թուրքիայում Instagram-ն արգելափակված կմնա․ սոցցանցի և թուրքական իշխանությունների հանդիպումն արդյունք չի տվել
Քաղաքականություն
06.08.2024 | 20:16
Թուրքիայի իշխանությունների և Instagram սոցիալական ցանցի ներկայացուցիչների հանդիպումը երկրում սոցցանցի արգելափակումը վերացնելու հետ կապված անարդյունք է ավարտվել։ Այս մասին լրագրողներին հայտնել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
«Մենք չստացանք ցանկալի արդյունքը։ Մենք հետևում ենք, ակտիվորեն քննարկում ենք։ Չեմ կարծում, որ այսօր ինչ-որ տեղաշարժ կլինի, առաջընթաց դեռ չկա»,- ասել է նա։
Նշենք, որ Թուրքիայում օգոստոսի 2-ից արգելափակվել է Instagram-ը։ Ըստ թուրքական լրատվամիջոցների՝ պատճառը ՀԱՄԱՍ-ի սպանված ղեկավար Իսմայիլ Հանիեի ցավակցական հաղորդագրությունների հրապարակումների խոչընդոտումն է։
Նախօրեին էլ Թուրքիայի նախագահ Ռեջեփ Թայիփ Էրդողանը հայտարարել էր, որ բախվում են «թվային ֆաշիզմի հետ»։
«Այս պահին մենք անձամբ ականատես ենք լինում, թե ինչպես են սոցիալական մեդիա ընկերությունները գործում մաֆիայի պես այն ամենում, ինչը շոշափում է նրանց շահերը։ Մենք բախվում ենք թվային ֆաշիզմի հետ, որը չի կարող հանդուրժել նույնիսկ պաղեստինցի նահատակների լուսանկարները և անմիջապես արգելափակում է դրանք՝ դա քարոզելով որպես ազատություն»,- հայտարարել էր Էրդողանը։
Էմմա Չոբանյան
