09.09.2026 | 21:00
Եթե ՌԴ-ն գազը թանկացնի, Գազպրոմը կարժանանա ՀԷՑ-ի ճակատագրին, Ադրբեջանից և ԵՄ-ից գազ կգնենք․ Առնոլդ Բլեյան․ ՏԵՍԱՆՅՈՒԹ
Իրանը Հունգարիայի ԱԳ նախարարի միջոցով հայտնել է Իսրայելի վրա հարձակվելու մտադրության մասին և փակել երկրի օդային տարածքը
Քաղաքականություն
06.08.2024 | 13:12
Իրանը որոշել է հարձակվել Իսրայելի վրա և այս մասին հաղորդագրություն է փոխանցել Հունգարիայի արտաքին գործերի նախարար Պետեր Սիյարտոյի միջոցով, գրում է The Jerusalem Post-ը՝ վկայակոչելով Իսրայելի արտգործնախարար Իսրայել Կացի հայտարարությունը։
Ըստ Կացի՝ Սիյարտոն զանգահարել է իրեն և հայտնել, որ համապատասխան տեղեկությունը ստացել է Իրանի արտգործնախարարի պաշտոնակատար Ալի Բաղերի Քանիի հետ զրույցի ընթացքում։
«Իրանը հայտնել է, որ մտադիր է հարձակվել Իսրայելի վրա։ Աշխարհը պետք է Իրանից հատուցում պահանջի ցանկացած ագրեսիվ գործողության համար»,- ասել է Կացը The Jerusalem Post-ին տված հարցազրույցում:
The Wall Street Journal-ն իր հերթին գրում է, որ Իրանը ծանուցումներ է ուղարկել օտարերկրյա քաղաքացիական ավիացիայի ղեկավարներին երկրի օդային տարածքից խուսափելու անհրաժեշտության մասին՝ կապված իրանական բանակի կողմից Իսրայելի վրա հնարավոր հարձակման հետ։ Ծանուցումները տարածվել են այն բանից հետո, երբ ԱՄՆ պետքարտուղար Էնթոնի Բլինքենը G7-ի երկրների արտգործնախարարներին տեղեկացրել է, որ Իրանն առաջիկա 1-2 օրվա ընթացքում հարձակում է նախապատրաստում Իսրայելի վրա։
Ամերիկյան դիվանագիտության ղեկավարը չի հստակեցրել, թե ինչպիսի հարձակում է նախապատրաստում Իրանը, սակայն նշել է՝ հարձակումը կարող է վերջ դնել Թեհրանի և Վաշինգտոնի միջև հետագա ամբողջ փոխգործակցությանը։ Իսրայելը հայտարարել է, որ պատրաստ է պաշտպանվել:
