09.09.2026 | 20:19
«Առգրավումներն իրականացվել են կամայականորեն՝ շոուի նպատակով». Գագիկ Խաչատրյանի պաշտպանական կողմը՝ ՔԿ-ի գործողությունների մասին
ՌԴ-ն հայտնել է Ուկրաինայի զինված ուժերի կողմից Կուրսկի մարզ ներխուժելու փորձի մասին
Քաղաքականություն
06.08.2024 | 13:41
Օգոստոսի 6-ի առավոտյան Ուկրաինայի ԶՈՒ-ն փորձել է ներխուժել Կուրսկի մարզի տարածք։ The Moscow Times-ի փոխանցմամբ՝ այս մասին հայտարարել է մարզի ղեկավարի պաշտոնակատար Ալեքսեյ Սմիրնովը։
Նրա խոսքով՝ Ուկրաինայի ԶՈւ գրոհների մասին տեղեկություններ են ստացվում Սուջանի ու Կորենովի շրջաններից, սակայն ՌԴ ԱԴԾ սահմանապահ ծառայության ու ՌԴ ԶՈւ մարտիկները թույլ չեն տվել ճեղքում։
«Ցանկանում են նախաշգուշացնել, որ մոտակա ժամերին շատ տարատեսակ տեղեկություններ կհայտնվեն։ Համոզիչ կերպով խնդրում եմ վստահել պաշտոնական տեղեկատվության աղբյուրներին և չտրվել սադրիչների գործողություններին»,- գրել է Սմիրնովը իր Telegram ալիքում։
Միաժամանակ շրջանի ղեկավարը զգուշացրել է բնակիչներին հրթիռային հարվածի վտանգի մասին։
«Եթե դուք տանն եք, ապա պետք է պատսպարվեք առանց պատուհանների սենյակներում՝ ամուր պատերով՝ միջանցքում, լոգարանում, նկուղներում: Եթե փողոցում եք, գնացեք մոտակա շենք կամ համապատասխան կացարան»,- նշել է նահանգապետի պաշտոնակատարը։
